INTRÓITO
Resurrexi, et adhuc tecum sum, alleluia:
posuisti super me manum tuam, alleluia:
mirabilis facta est scientia tua, alleluia, alleluia.
Domine probasti me, et cognovisti me:
tu cognovisti sessionem meam, et resurrectionem meam.
Resurrexi, et adhuc tecum sum, alleluia:
posuisti super me manum tuam, alleluia:
mirabilis facta est scientia tua, alleluia, alleluia.

ALELUIA
Alleluia.
Pascha nostrum immolatus est Christus.

SEQUÊNCIA
Victimae paschali laudes immolent Christiani.
Agnus redemit oves:
Christus innocens Patri reconciliavit peccatores.
Mors et vita duello conflixere mirando:
dux vitae mortuus, regnat vivus.
Dic nobis Maria, quid vidisti in via?
Sepulcrum Christi viventis, et gloriam vidi resurgentis:
Angelicos testes, sudarium, et vestes.
Surrexit Christus spes mea:
praecedet suos in Galilaeam.
Scimus Christum surrexisse a mortuis vere:
tu nobis, victor Rex, miserere.

OFERTÓRIO
Terra tremuit, et quievit,
dum resurgeret in iudicio Deus, alleluia.

COMUNHÃO
Pascha nostrum immolatus est Christus, alleluia:
itaque epulemur in azymis
sinceritatis et veritatis, alleluia, alleluia, alleluia.